Amarach Lá le Gobnait,an 11ú Feabhra.Deirtear gur rugadh Naomh Gobnait i Luimneach no b’fheidir sa Ghaillimh timpeall 1,500 bliain ó shin.Dúirt aingeal léi teampall a thógaint ins an áit go bhfeiceadh sí naoi gcinn d’fhiannaibh bána.

Chonaic sí roinnt fianna i nDún Chaoin agus roinnt eile i gCluain Droichead.Ansan chonaic sí naoi gcinn i mBaile Mhúirne.Thóg sí teampall ann.

Bhí capall bán aici.Thug gadaí fé é a ghoid.Chomain sé leis chomh maith agus a bhí sé i gcosaibh an chapaill ach cé gur thug sé an oíche ar chosa in airde is ag gabháil timpeall an teampaill a bhí sé.Ghabhadar é agus cuireadh chun báis é.D’ordaigh Naomh Gobnait a dheilbh do ghearradh ar chloch agus e a chur suas sa bhfalla i dtreo go mbeadh sé le feiscint ann an fhaid a sheasódh an falla.Tá sé fós ann.

A GHOBNAIT IONTACH Ó BHAILE MHÚIRNE,TAIRSE CHUGAMSA LED CHABHAIR ‘S LE D’ CHÚNAMH.

GO MBEANNAITHE  DIA DHUIT A GHOBNAIT NAOFA,GO MBEANNAITHE MUIRE DHUIT ‘S BEANNAIM FÉIN DUIT,’S CHUGATSA A THÁNAG AG GEARÁIN MO SCÉIL LEAT ,’S D’IARRAIDH MO LEIGHIS AR SON DÉ ORT.

AIMÉAN.

Beidh 45 Drive cartaí ar siúl sa Scoil ar an Aoine,an 13ú lá de mhí Feabhra,ar a 9.00 a chlog.Tá sé igceist againn “Jackpot “a thosnú an oíche sin agus cur leis gach mí.Ní féidir an “Jackpot” a bhuachaint mura bhfuil tu ag imirt cartaí sa scoil go rialta.

 

Príomhoide Scoil Chúil Aodha, Cathal Ó Riada, agus na daltaí i Ranganna 4 agus 6 ag obair go dian

Beidh an chéad 45 drive don bhliain 2009 ar siúl sa scoil dé hAoine seo chugainn,an 9ú la de mhí Eanair ar a 9.00 a chlog.

D’eirigh go hiontach le 45 drive na Nollag agus bailiodh 1,233 euro do ciste togála na scoile ar an oíche.Táimid fíor bhuíoch do gach duine a thug tacaiocht dúinn agus ba mhaith linn ach go háirithe ar míle bhuíochas a ghabháil leis na comhlachtaí áitiúla agus le muintir na háite,a bhi fíor flaithiúil leis na duaiseanna.

Beidh 45 Drive cartaí na Nollag ar siúl sa scoil ar an Aoine an 12ú lá de mhí na Nollag ar a 9.00 a chlog.Ina theannta san beidh crannchur ollmhór againn ar an oíche lena lán duaiseanna iontacha.

Páirtnéirí agus boird do sheisear a bheidh i gceist.

Beidh Coirmcheoil na Nollag ar siúl in Áras Eamonn Mac Suibhne,ar an Luan an 22u lá de mhi na Nollag,ar a 7.00 a chlog.Beidh na Ranganna Naionain ag canadh amhráin agus beidh dráma darbh ainm “Robin Hood agus na Merrymen” a chur ar stáitse ag Ranganna 1-6.

Fáilte romhat go dtí blag Scoil Náisiúnta Chúil Aodha – Barr d’Ínse.  Is é seo an áit a bheidh na scéalta go léir faoi imeachtaí agus eachtraí na scoile le léamh agus beidh griangrafanna ón scoil le feiceáil ann freisin.

Is é an chéad imeacht mór eile a bheidh againn ar scoil an oíche mór chartaí ar an Aoine, 12ú Nollaig.  Tá an ocáid seo an-tabhachtach chun airgead a bhailiú don scoil agus fearaimíd fáilte romhaibh go leir teacht.  Is é ‘45′ an cluiche.  Ní bheadh a fhios agaibh ach go mbuafadh sibh duais éigean!  Tosnófar ar an imirt ag 9in.